Ég er búin að vera heima alla vikuna, já já haldiði að mér hafi ekki tekist að togna hægra megin við rifbeinin. Já og hvernig fór ég að því? Ég skal segja ykkur það.... ég hóstaði svo mikið þegar ég var með flensuna um daginn að ég tognaði....  geri aðrir betur!!

Er loksins eitthvað að lagast, annars emjaði ég þegar ég gerði eftirfarandi: Andaði djúpt, hnerraði, hóstaði, geispaði osfrv. Vonandi fer ég nú að ná heilsu, mamma ætlar líklega að koma til mín um helgina, vííí 

Á eftir að skila 4 verkefnum á næstu dögum, einu í kvöld, 2 á mánudaginn og svo síðasta þann 10. des. Púffffff, ég er búin að vera veik alveg á versta tíma en....  þetta fer nú að klárast 

Fékk 10 fyrir einstaklingsverkefni um Stefnumótun, er alveg í sjokki..... nei nú sannast bara það sem ég hef alltaf reynt að mótmæla, ég er snillingur

er frekar bágborin þessa dagana, flensan virðist ætla að búa hjá mér eitthvað lengur og er orðin frekar þreytt á henni. Er líka alveg að fá panikkkkast yfir að prófin nálgast, en maður massar þau nú bara

Oddur, Toggi og Finnbogi komu á föstudaginn og við borðuðum lambahrygg frá Haukatungu, namminamm. Spiluðum Scrabble eftir matinn og verður ekki farið út í úrslitin neitt nánar í þessari færslu    Kiddý og Halldóra heimsóttu mig í gær og við fórum áðan í smá búðarrúnt.

Fer í fyrramálið að hitta Dóru mína, fyrrverandi Gautaborgargellu, hlakka mikið til að hitta hana  

Íþróttaálfur

Þú ert vanaföst, yfirveguð félagsvera.

Arnold Schwarzenegger er vanaföst, yfirveguð félagsvera. Það er því ekki leiðum að líkjast. Íþróttaálfurinn býr sko ekki í Latabæ (LazyTown ^TM). Hann tekur til fótanna, án þess að vera að missa af strætó og þótt enginn sé að elta hann. Hann er hrókur alls fagnaðar í heita pottinum og er jafnvígur í flugsundi og að troða marvaða. Rétt eins og Tortímandinn er íþróttaálfurinn marksækinn og staðfastur. Ekkert fær hann stöðvað.



"Áfram Latibær, I'll be back!"



Hvaða">http://www.stilbrot.com/trollafell/konnun/">Hvaða tröll ert þú?

Ekki á morgun heldur hinn munu Dóra og co flytja heim frá Svíaríki þar sem þau hafa dvalist við leik og störf síðustu árin, ég er svo ánægð   Hlakka mikið til að hitta ykkur og vona að pökkun og flutningar gangi vel fyrir sig 

Fékk aðrar frábærar fréttir frá Jógó og Magnusi sem búa einnig í Svíþjóð, ég er að fara í brúðkaup næsta sumar, víííííí  Gangi ykkur vel að undirbúa og ég er orðin þvílíkt spennt þó að brúðkaupið verði ekki fyrr en sumarið 2006. Ég fer þá greinilega í eitt brúðkaup á ári eða svo, hver ætlar að gifta sig árið 2007 ???

Get ekki skilið bróður minn útundan í þessari svíafærslu, honum líkar vel í Skövde og er á leiðinni til Afríku um áramótin, það verður aldeilis frábær reynsla

ég er veik heima og nenni því ekki 

ég á eftir að læra helling og nenni því ekki 

ég nenni engu og nenni ekki heldur að blogga svo ég hætti bara núna að brjóta mig niður og reyni að fara að gera eitthvað

lofa skemmtilegra bloggi næst, Drífa var að kitla mig svo ég þarf að fara að skrifa einhvern pistil við fyrsta tækifæri

hey einn ljós punktur, ég er búin að kaupa mér heimasíma svo það er hægt að hringja í mig, hann er búinn að hringja nokkru sinnum og ég fatta aldrei að hann er að hringja fyrr en eftir nokkrar hringingar, var orðin svo vön að vera bara með gsm

Ég vil nota tækifærið og óska henni Hildi frænku minni til hamingju með afmælið í dag.  Það er meira að segja stórafmæli sem við erum að tala um, mér finnst það hafa verið í gær sem við vorum litlar stúlkur með tíkarspena  

Til hamingju Hildur mín og vona að þessi áfangi verði þér ánægjulegur og yndisaukandi 

TIL HAMINGJU MEÐ AFMÆLIÐ KAREN MÍN

Svakalega var nú gaman á vinnhelginni, þetta var sú síðasta hjá mér í þessu námi þannig að það var smá skrítin tilhugsun. Svefn var ekki mikill í nótt, notaði tímann frekar í djamm með skólafélögunum, það var meira að segja spilað á gítar og sungið, ótrúlega gaman

Við vorum 3 saman í herbergi og vá hvað það var erfitt að vakna kl. átta í morgun, díses, höfuðverkur! Ætla að eyða kvöldinu heima í rólegheitum með bestu vinum mínum, sófanum og Stevie the TV

Nennti loksins að bæta við tveimur tenglum, Drífa og Kristín Á eru komnar í hópinn minn

eftir vinnu og rosalega er til mikið af freku fólki, einn maður virkilega keyrði á mig þar sem ég stóð og dáðist að hinum ýmsu gerðum uppþvottabursta... það getur tekið tíma að velja rétta litinn skiljiði! Ég horfði bara á manninn með bros á vör og ég held hann hafi skammast sín smá... eða ég vona það, skárra væri það nú að maður komi marinn úr Bónusferð  

Var að horfa á Little Britain, djö... eru þeir fyndnir, ég sit alltaf ein og horfi á þættina, skellihlæjandi Var að tala við Lárus á MSN áðan og mundi þá að við Arnþór erum búin að sjá fyrstu 2 þættina í 2. seríunni af LOST, nananananananananannananaanna, var alveg búin að gleyma því 

Fer í skólann á föstudaginn og verð fram á laugardag, held ég eigi að gista í Reykholti.... öööö best að tékka á því á morgun hvort ég hafi fengið herbergi